احتيال شركات الاتصال و كيف تنفذ الباقات بسرعة

 السلام عليكم ورحمة الله وبركاته

الليلة عندنا قعدة ظريفة كده في موضوع النت

حوريك فيها حاجتين بس

اولا عاوز اوريك كيف انه شركات الانترنت بتغش عليك 

وتاني شي اسباب بطئ النت بالنهار وسرعته بالليل واستهلاك كل شكبة

يعني ليه بطئ في سوداني وسريع في زين وبكمل سريع في اريبا 

عن طريق كلام مؤسس

ومن طرف جهات معنية وعارفة  بالمواضيع دي

م من طرف شفع الثغرات والقنوات الى بتدعي ما يسمى الانترنت المجانى(اكبر المنشطين)

ويلا نبدأ حديثنا بسم الله الرحمن الرحيم السلام عليكم ورحمة الله وبركاته

اول شي ركز في الحسابات دي عشان تفهم 

البايت=8 بت 

البت =1/8 بايت 

الكيلو بايت=8 كيلو بت

الكيلو بت=1/8 كيلو بايت

الميجا بايت=8 ميجا بت 

الميجا بت=1/8 ميجا بايت

الجيجا بايت=8 جيجا بت

الجيجا بت=1/8جيجا بايت

ركزتا معاي وشفتا؟🌚

لاحظتا؟

يلا لاحظ انه اي شي بالبت = ثمن الشي بالبايت

يلا اوضح ليك بعد ركزتا في النقطة دي

في الانترنت كله التعامل حق التنزيل ورفع الملفات والتصفح بتم بوحدة البايت

الى هو بعادل 8 بت

واي عمل في الشبكة بتم بوحدة البت

يلا لمن تحمل مثلا ملف 1 جيجا بايت 

انت كده استهلكتا 8 جيجا بت عشان تحمله 

يلا افهمك اكتر واوضحك ليك عايز اصل لشنو 

انت لمن ناس سوداني الكرام او زين الشرفاء او اريبا المنظمين 

يقولو ليك اتصل بالرقم كده واستمتع ب1 جيجا بايت انترنت ب20 جنيه مثلا 

انت تحديدا بتحصل بس على ثمن جيجا بايت

يعني بتحصل على 1 جيجا بت ما يعادل تحديدا كده 128 ميجا بايت بس😂🌚

و زي ما قلتا ليك فوق في الشبكة اي عمل او استهلاك او شي بالبت 

واي ملف او صفحة ويب او اي شي داخل الشبكة بكون بالبايت 

يعني بالبلدي

تعامل =بايت

داخل الشبكة(عمل)=بت

انت بتنشط 1 عمل عشان تستهلك 1/8 تعامل

فهمتني كده؟

يعني اي خدمة بتشوفها عند اي شبكة اقسمها على 8 وشوف بتجئ معاك بكم 

طيب يعني كده ناس الشبكات الكرام نايمين بملاينكم وكده وعشان كده لمن تشوف ملف 1 جيجا 

وانت منشط 1 جيجا و م ينزل 

اعرف انه فرق بس في الوحدة 

طيب بعد كده نمش لنقطة تانية 

ليه النت سريع بالليل؟وبطئ بالنهار؟

طيب دي من فيزياء سنة 3+معلومات من النجوم حقين الشبكات البعرفهم 🌚❤️م قصرو في المعلومات 

اول شي في طبقة اسمها الايونسفير

الطبقة دي مهمتها الاساسية تعكس الموجات 

والانترنت عبارة عن موجات 

والطبقة دي م ثابته 

بتتحرك قريبا  من الارض مرة وبعيدا من الارض مرة اخرى

يلا لمن تقرب للارض بتعكس الموجات اسرع بمية مرت من برج الارسال للمحمول او اي جهاز تانية 

ولمن تكون بعيدة اغلب الموجات بتمتصها الارض و م بتنعكس الا بسيطه 

فبالليل الطبقة دي بتنزل سريع خصوصا اخر الليل كده

وبالتالي النت بالليل حتى لو كان بشريحة سوداني بكون سريع 

اما بالنهار الطبقة بتصعد والنت بكون بطئ والشبكة عااامة كده وكل الشبكات كده الا لمن تكون ساكن جم برج وكده

والموجة لو كانت 50 ميجا هيرتز م بتنعكس بتخترق الطبقة وتمس الى نا لا نهاية 

عشان كده موجات الهاتف تقرررريبا 9.5 ميجا هيرتز والله اعلم م متاكد منها دي م مؤكده لقيتها كمرجع في اليوتيوب

نمش لموضوع تاني

ليه شبكة سوداني غالبا بطيئة؟

شبكة سوداني غالبا بطيئة بسبب انهم شغالين بشي اسمه بروتوكول TCP

الى هو عبارة عن مقسم خدمة 

بعمل عن طريق انه بمنح نت متساوى لكل الاماكن وبسرعة ثابته 

يعني انت واي زول جمبك نتهم بكون قريب من بعض

بس مستقر

يعني م زي اريبا مرة 1ميجا ومرة 0 كيلو 

بتكون من 10 الى 50 وكده من 50 الى 100 وحسب منطقتك 

يلا نمش لاريبا

ليه كل10 ثواني بقولو ليك تم نفادة الخدمة؟

يلا اريبا مختلفة تمام لانه شغالة ببروتوكول عكس سوداني واسمه 

بروتوكول UDP 

مقسم الخدمة دي م بوزع ولا بحافظ 

دا بديك القيمة الى بتنشطها مباشرة في وشك 

يعني لمن تنشط 10 ميجا بت 

م بديك ليها ميجا ميجا ولا كيلو كيلو 

يديك 10 ميجا دقة واحدة

يعني لمن تنزل ملف 

عدادا  السرعة حيعمل 1 ميجابت لمدة 10 ثواني والنت يكمل بس 

مافي اي تخزين ولا اي شي 

يعني سوداني احسن

يعني زي تشتري بيت كاش

وبيت بالتقسيط

اي بيت بالتقسيط بكون مريح وكده 

واما كاش دي بتعمل ليك وجع بطن🌚💔ووجع ضحاكات 

والتقسيط دا سوداني🌝❤️👍

يلا الشبكة المستتنها 

زين 

اول وهلة م حتحس فيها عيوب

بس زين شغالة بشي اسمه بروتوكول IPV4

الى هو نفس البروتوكول بتاع شركة جوجل

دا بديك نت سريع وبقسم دسيس🌝👍

مافي اي عيوب 

بس اكبر عيوبه انه الشركة مرات بتضرر

يعني مثلا لمن تغير خدمة ولا شي ممكن التغطية في حته كاملة تنقطع 

او تختفئ

وحيحتاجة يركبو برج في المنطقة دي

زي ما حصل معانا في الكدرو💔

وكده انتهينا والحمدلله 

لو عايزيني اواصل كلام في شركات الاتصال 

شير لببوست في اي مكان 

وخليك متابع الشروحات تمام 

وبسسسس

شكرا ليكم للقراءة

تحياتي